هنادي حبلي للفائزين بانتخابات صيدا: أمامكم مسؤولية

هنادي حبلي للفائزين بانتخابات صيدا: أمامكم مسؤولية وبصمة لـ6 سنوات

المنسق العام لحركة التلاقي والتواصل في صيدا هنادي حبلي تبارك للفائزين

نبارك للفائزين في انتخابات المجلس البلدي والمخاتير. اليوم ما بقى في وعود، اليوم في مسؤولية حقيقية تجاه مدينة صيدا وأهلها. الناس اختارتكم على أساس ثقتها بكلامكم، وبوعدكم بالتغيير والعمل الجاد، ومن هون بتبدأ المرحلة الأهم.

نتمنى منكم تحطّوا مصلحة المدينة فوق كل مصلحة شخصية، وتباشروا فوراً بتنفيذ وعودكم، من إكمال المشاريع المتوقفة، لإصلاح الأمور المعطّلة، والسعي لتفعيل كل ملف حيوي علّقت عليه الناس آمال كبيرة. صيدا تستحق الأفضل، لما نكون سوا لصيدا، وأنتم النبض فيها، فصيدا بتستاهل منكن لأن صيدا بدها وإن شاء الله تكونوا قدها وتنتظر منكم الكثير.

قدامكم ست سنوات لتثبتوا صدق النوايا وجدية العمل، ولتتركوا أثر وبصمة حقيقية بهالمرحلة. كل التوفيق لكم، ونتمنى نشوف صيدا أفضل على إيدكم.

هنادي حبلي المنسق العام في منطقة صيدا لحركة التلاقي_والتواصل في لبنان