حوار بالعامية “رجعنا من بعد غياب وتواصلنا مع الأحباب”
فقرات يكتبها الإعلامي جلال فيتروني
قرائنا وجمهورنا العزيز على قلبنا تسائل ليش غابت فقرتي حوار بالعامية ومن وحي الواقع يلي بيكتبها الإعلامي فيتروني
بحب قلكون انو بسبب مصاريفنا الدائمة من كلفة أنترنت ومونتاج افلام ومخصصات شهرية مندفعها لذلك كترت المسؤوليات وصرنا نشتغل شغل اخر
بلبنان تحديدا صار رب العيلة بدو يشتغل تلت شغلات على الأقل لحتى يسكر مصاريفو
لكن رغم الأشغال بضل الشمال وطرابلس مكانتها بالقلب كبيرة
ومنشكر الله رغم الإمكانات المتواضعة بعدنا مستمرين بنفس الإصرار والعزيمة
وبانتظار لقائنا بكم بأواخر الشهر القادم بمناسبة إتمام خمس سنوات على انشاء مجموعة صوتنا للمدى الإعلامية حنسترجع نحنا وياكون محطات وأنشطة ومسيرة طويلة من العمل الصحفي والإعلامي مع شهادات منعتز فيها
من فعاليات مدينة طرابلس السياسية والاقتصادية والاجتماعية والدينية والفنية
الأمل ما بيوقف والأحلام ما بتنلغى المهم طموحك ومصداقيتك بين الناس ومبادرتك لأي عمل خيري للصالح العام
منوعدكون نضوي على كل ما يهم طرابلس والشمال والتنمية المفقودة والشؤون والشجون اليومية لأنو طرابلس وأهلها بيستحقو الكتير
