حوار بالعامية “اعتداءات يومية كأنها عادة روتينية”
فقرات يكتبها الاعلامي جلال فيتروني
بكل يوم بتشن إسرائيل غارات عالجنوب اللبناني والحكومة ما عندها إلا الشجب والاستنكار
اكثر من خمس آلاف عيلة جنوبية تشردت وبعدون بيقولوا يجب حصر السلاح ونزعو وما إلى ذلك من نغمة عم يعزفو عليها
وين القرار يلي اتخذ بإنسحاب إسرائيل من النقاط يلي احتلتها بالجنوب اللبناني الحزب التزم بوقف إطلاق النار وتراجع لما بعد حدود نهر الليطاني بالمقابل هل التزم العدو الصهيوني بما اتفق عليه
كمان كل هالغارات من أجل اخضاع الشعب اللبناني وإرغامو على التطبيع
هل تستطيع الحكومة اللبنانية إنو تطلع من هالمأزق رغم الضغوطات وتمشي بعكس ما يريده الشعب اللبناني
إتفاق وقف إطلاق النار ثبت في فلسطين فهل يعقد الجانب اللبناني اتفاق سلام مع إسرائيل بعد مسألة نزع السلاح وإلا البركان الكبير
لبنان يتعرض لضغوطات وتهديدات من أجل القبول بالتطبيع وانهاء حالة حزب الله معقول يكون في تسوية بترضي الأطراف او نحنا رايحين عافتنة كبيرة لضرب صيغة التعايش وتحويل لبنان لبلد منكوب
بي هالاشهر المصيرية يلي عم نعيشها واجبنا نكون ايد وحدة في وجه اي مؤامرة تستهدف لبنان بكل طوائفه
