مقال لجلال فيتروني يدعو للتوعية والوحدة الوطنية
حوار بالعامية والفصحى
كتب الاعلامي جلال فيتروني
التوعية مطلوبة خصوصاً بي هالظرف الدقيق
اليوم البلد قريب من فوهة بركان وإذا استعر البركان وانفجر سلام على اللي كان
شو الحل بوقف التجييش الطائفي والمذهبي وإعادة الثوابت الوطنية ونكون بصلب الإنتماء الوطني
شو هوي يلي بيرجع اللحمة الوطنية وبيعزز الإنتماء وبيجنبنا الخسائر المادية والبشرية
الحل الوحيد هوي التوعية النفسية وتحكيم العقل في المسائل الحساسة وإعادة تكوين المفهوم الوطني في النفوس قبل النصوص
التخوين ما بيودي لمطرح إذا كنت بتحمل الخير بقلبك لبلدك فما تبخل وتأكد إنو في يوم من الايام لح تنصفك العدالة الإلهية وتحس حالك مواطن صالح خالي من الأنانية
بكفي تراشق واتهامات متبادلة الأصالة بعمرها ما حوت ناس اندال ولو إنو صاحبين الضمير بي هالعصر صارو قلال
ما في مشاريع بالبلد والاستثمارات مبعدة هالفترة عن طرابلس ومستحيل يجي سايح ويرقص بريكدانس بين هالنفايات المنتشرة بكل مكان
البيئة بلبنان ما بتبيض الوش والإنماء مسكرة بوابو والتعامل الاقتصادي هش
وشو بدنا نقول اكتر من هيك توحدوا للخير العام بطريق انزرعت فيه ألغام
