حوار بالعامية “تهويل وعويل والبلد تحت مقصلة التطبيع”
كتب الإعلامي جلال فيتروني
كيفك اليوم أو كيف كنت مبارح سؤال منسألو لبعضنا كل يوم
طبيعي نسأل عن أحوالنا ومصير بلدنا لكن حلقة الضغط عم تكبر ومسألة حصرية السلاح أخدت بعدها الإقليمي
معقول نسلم رقابنا للمحتل الصهيوني وليش لفرط بوراق القوة وإرمي حالي بالهوة كرامة عينيون
عم نتعرض لكم هائل من التهويل وقصف عشوائي لمجرد الشك ومحاصرة اقتصادية من كل الميلات لأنو لبنان ما بيعترف إسرائيل العمى بقلبكون ليش ايمتى اعترفتوا بلبنان دولة كاملة ذات سيادة
بدنا نشهد بعد نهاية السنة تغيرات وصدامات وممكن تشن إسرائيل حرب على الحزب وتكر السبحة وتتوسع المعركة
العويل ما بيفيد لأنو ما حسبنا انو نوصل للمرحلة الدقيقة من عمر لبنان مع خيوط للتطبيع عم تحاول تتمسك فينا وتغير من مراسنا
المرحلة تتطلب وحدة اللبنانيين جميعا من كل الطوايف بعيدا عن اي طرح طائفي او مذهبي الخطر صار بيناتنا وممكن يكون هوي اذا تغافلنا سيد الموقف
